மட்டக்களப்பு மாவட்டம் வாழைச்சேனை பொலிஸ் பிரிவில் சீரற்ற வானிலை காரணமாக ஏற்பட்ட திடீர் வெள்ளத்தில் அடித்துச் செல்லப்பட்ட இரண்டு நபர்களின் சடலங்கள் நேற்று (26) மாலை மீட்கப்பட்டதாக பொலிஸார் தெரிவித்தனர்.
கிரான் பிரதேச செயலாளர் பிரிவுக்குட்பட்ட புலிப்பாஞ்சிக்கல் மற்றும் கோராவெளி பகுதியில், சனிக்கிழமை (25) மாலை இரண்டு நபர்கள் வெள்ளத்தில் அடித்துச் செல்லப்பட்டு காணாமல் போயிருந்தனர்.
வாழைச்சேனை பொலிஸ் நிலையத்தில் முன்பே வழக்கு பதிவு செய்யப்பட்டிருந்த இந்த நிலையில், கண்ணகி அம்மன் கோயில் வீதி கிரானைச் சேர்ந்த கா.குருபரன் (53) மற்றும் திகிலிவெட்டை சந்திவெளியைச் சேர்ந்த மா.விநாயகமூர்த்தி (71) எனும் முதியவர்கள் வெள்ளத்தில் காணாமல் போனவர்கள் என்று தெரிவிக்கப்பட்டது.
புலிப்பாய்தகல் கோராவெளி பகுதியில் வெள்ளத்தில் அடித்துச் செல்லப்பட்ட இருவரையும் தேடும் பணிகள் முன்னெடுக்கப்பட்ட நிலையில், அவர்கள் இருவரின் சடலங்களும் நேற்று (26) மாலை மீட்கப்பட்டதாக பொலிஸார் உறுதி செய்தனர்.
இவர்களின் மரண விசாரணைகள் தொடர்ந்தும், சடலங்கள் பிரேத பரிசோதனைகளுக்காக வாழைச்சேனை ஆதார வைத்தியசாலைக்கு கொண்டு செல்லப்பட்டுள்ளன.
முன்னதாக, வெள்ளக்காலப்பகுதியில் அத்துமீறிய வெள்ளம் காரணமாக பல உயிரிழப்புகள் பதிவாகியிருந்தாலும், இங்கு முறையான பாலம் இல்லாமையினால் தொடர்ந்து பலவிதமான பேரழிவுகள் ஏற்படுவதாக எச்சரிக்கை விடப்பட்டுள்ளது.
மட்டக்களப்பு மாவட்டத்தில் தொடர்ச்சியாக ஏற்படும் வெள்ள அனர்த்தத்தால் விவசாய நடவடிக்கைகள் பாதிக்கப்படுவதன் காரணமாக, மாவட்ட அபிவிருத்தி குழுவின் தலைவர் மற்றும் பிரதி அமைச்சரான அருண் ஹேமச்சந்திர அவர்களின் பணிப்பின் பேரில், மாவட்ட பாராளுமன்ற உறுப்பினர் கந்தசாமி பிரபு இன்று (தேதி) கமநல அபிவிருத்தி திணைக்களத்துக்கு விசேட கள விஜயத்தை மேற்கொண்டார்.வெள்ள அனர்த்தத்தால் பாதிக்கப்பட்ட விவசாயிகளின் பிரச்சினைகள் தொடர்பாக, கமநல அபிவிருத்தி திணைக்கள உதவி ஆணையாளர் K. ஜெகநாத்திடம் பிரத்யேக ஆலோசனைகள் இடம்பெற்றன. இதில்,
பாதிக்கப்பட்ட பகுதிகளில் ஏற்பட்ட சேத விபரங்கள்,
விவசாயிகளுக்கான நிவாரணத் தொகைகள் மற்றும் காப்பறுதி வழங்கல்,
கடந்த வெள்ளத்தில் பாதிக்கப்பட்டவர்களுக்கு நிவாரண கொடுப்பனவுகள் வழங்கல்,
படுவான் கரை பகுதிகளின் கமநல அபிவிருத்தி நிலையங்களின் கட்டிட ஆலனிகள் மற்றும் பற்றாக்குறைகள்,
சிறிய நீர்ப்பாசன குளங்கள் புனரமைப்பு,
கமநல அபிவிருத்தி திணைக்கள பயிற்சி திட்டங்கள்,
மற்றும் “க்ளீன் ஸ்ரீலங்கா” வேலைத்திட்டம் ஆகியவற்றை அவர் விரிவாக ஆய்வு செய்தார்
மேலும், கமநல அபிவிருத்தி திணைக்கள ஊழியர்கள் எதிர்கொள்ளும் பிரச்சினைகள் குறித்து கேட்டறிந்து கொண்டு, விவசாய அபிவிருத்திக்கான எதிர்கால வேலைத்திட்டங்கள் தொடர்பாக முக்கிய ஆலோசனைகள் இடம்பெற்றன.இந்த விசேட கலந்துரையாடல்களில், பாராளுமன்ற உறுப்பினரின் மக்கள் தொடர்பு அதிகாரி U. வேனுஜன் மற்றும் கமநல அபிவிருத்தி திணைக்களத்தின் உயர் அதிகாரிகள் கலந்து கொண்டனர்.
